Հայաստանի Կեդրոնական ընտրական յանձնախումբը հրապարակեց բոլոր 2008 ընտրական տեղամասերուն մէջ ամփոփուած քուէներուն նախնական արդիւնքները, ըստ որոնց` յառաջատարը Նիկոլ Փաշինեանի գլխաւորած Քաղաքացիական պայմանագիր կուսակցութիւնն է` քուէներու մօտ 53,92 առ հարիւրով:
Ազգային ժողովի արտահերթ ընտրութիւններուն արդիւնքներուն համաձայն, նոր խորհրդարանին մէջ պիտի ըլլան 3 քաղաքական ուժեր` Քաղաքացիական պայմանագիրը, «Հայաստան» դաշինքը եւ «Պատիւ ունեմ» դաշինքը: «Պատիւ ունեմ» դաշինքը չէ յաղթահարած անցողիկ շեմը, եւ խորհրդարան պիտի անցնի իրաւունքի ուժով:
Աթոռները պիտի բաժնուին հետեւեալ ձեւով`
Քաղաքացիական պայմանագիր -71 աթոռ,
«Հայաստան» դաշինք- 29 աթոռ,
«Պատիւ ունեմ» դաշինք- 7 աթոռ:
4 մեծագոյն ազգային փոքրամասնութիւններու 4 աթոռներէն 3-ը Քաղաքացիական պայմանագիրի բաժինէն է, 1-ը` «Հայաստան» դաշինքին: Այսպիսով` «Հայաստան» դաշինքի աթոռները կը դառնան 27:
Ատկէ բացի, «Հայաստան» դաշինքը կը ստանայ լրացուցիչ 2 աթոռ, որպէսզի խորհրդարանին մէջ ապահովէ սահմանադրութեան պահանջը. ընդդիմութեան կազմը խորհրդարանին մէջ պէտք է 1/3-էն պակաս չըլլայ: