ԵՐԵՒԱՆ, «Արմէնփրէս».- Ըստ Ազգային վիճակագրական ծառայութեան (ԱՎԾ) 20 Օգոստոսի տուեալներուն՝ արդիւնաբերական արտադրանքի ծաւալը այս տարուան Յունուարէն Յուլիս ամիսներուն կազմած է 104.3 տոկոս (954,567 միլիոն դրամ), իսկ գիւղատնտեսութեան համախառն արտադրանքի ծաւալը՝ 104.6 տոկոս (363,234 միլիոն դրամ):
Շինարարութեան ոլորտին մէջ եւս այս տարուան ութ ամիսներուն 10.4 տոկոսի աճ արձանագրուած է. կատարուած է 162 միլիառ 734 միլիոն դրամի շինարարութիւն: Առեւտուրի շրջանառութիւնը նախորդ տարի կազմած էր 108.9 տոկոս (1,507,262 միլիոն դրամ), ծառայութիւններու ծաւալը՝ 118.7 տոկոս (933,650 միլիոն դրամ):
Միջին ամսական անուանական աշխատավարձը աճած է 4 տոկոսով. պետական հատուածին մէջ աճը կազմած է 1.1, մասնաւոր հատուածին մէջ՝ 4.8 տոկոս: 26.8 տոկոսով աճած են արտաքին ապրանքաշրջանառութեան ծաւալները: Նոյն ժամանակ, արտածումը աճած է 17.3 տոկոսով (1363 միլիառ դրամ), իսկ ներածումը՝ 32.1 տոկոսով (2726 միլիառ դրամ):