Դոկտ. Մինաս Գոճայեան
Հայերէնի եւ հայագիտութեան
բազմամեայ ուսուցիչ
Ամենայն հոգով ողջունելէ ետք նախաձեռնութիւնը՝ ամենայն սրտով ու էութեամբ եւ բոլոր նահատակներուս անունով կը բողոքեմ այս օտարահունչ անուանումին համար։ Ի՞նչ է, ստեղծուելիք այգին տոպրա՞կ է միթէ, եւ ինչի՞ տոպրակ է։ Հերիք եղաւ մեր մայրենին այսպիսի անհարկի օտար բառերով պղծել։ Եթէ այդպէս է, եկէք մեր սրբազան բլուրն ալ կոչենք «գենոցիտի» յուշարձան ու լմննանք երթանք։
Կը խնդրեմ աղաչելու պէս, քանի դեռ մեր այգին ստեղծուած չէ, պնդենք որ անիկա մկրտուի հայկական անունով։ Ինչու՞ ոչ «ՀԱՅԱՅԳԻ», «ՀԱՅ ՊՈՒՐԱԿ», «ԿԵՆԱՑ ԶԲՕՍԱՅԳԻ», «ԿԵՆԱՑ ԱՅԳԻ», «ՅԱՒԵՐԺՈՒԹԵԱՆ ԶԲՕՍԱՅԳԻ», «ԱՆՄԱՀՆԵՐՈՒ-ԱՆՄԱՀՆԵՐԻ ԱՅԳԻ», «ՆԱՀԱՏԱԿԱՑ ԱՅԳԻ», «ՆԱՀԱՏԱԿԱՑ ՊՈՒՐԱԿ»։ Կարելի է «այգի-պուրակ-պարտէզ» բաղադրիչով ՀԱՅԿԱԿԱՆ անուն մը տալ։
Եթէ համաձայն էք կը խնդրեմ տարածել եւ խնդրանք-բողոքի պէս ղրկել առ որ անկ է։