ԵՐԵՒԱՆ, «Էրմենիհապեր».- Թուրքիոյ Պետական խորհուրդը (բարձրագոյն վարչական դատարան) հաստատեց «Ակօս» թերթի հիմնադիր խմբագիր Հրանդ Տինքի կնոջ՝ Ռաքէլին եւ զաւակներուն 1,5 միլիոն լիրա (շուրջ 168.000 տոլար) վնասուց հատուցման պահանջը բաւարարող Պոլսոյ 6-րդ վարչական դատարանի որոշումը:
Պետական խորհուրդը այդպիսով մերժեց Թուրքիոյ ներքին գործոց նախարարութեան բողոքը եւ ընդունեց Տինքի ընտանիքի այն պնդումը, որ նախարարութիւնը թերացում արձանագրած է Հրանդ Տինքի սպանութեան հարցին մէջ: