ՆԻՒ ԵՈՐՔ.- ՀԲԸՄը կը տեղեկացնէ, թէ կազմակերպութեան գործունէութեան նեցուկ կանգնելու իրենց ստանձնած առաքելութիւնը շարունակելով՝ տէր եւ տիկին Վաչէ եւ Թամար Մանուկեանները որոշած են մէկ միլիոն տոլար եւս նուիրել ՀԲԸՄին, նպաստելու համար անոր ծրագիրներու շարունակութեան եւ ընդարձակման։
Նշենք, որ Վաչէ Մանուկեան ՀԲԸՄի Հոգաբարձական խորհուրդի ատենապետն է։
Այս առիթով, ՀԲԸՄի նախագահ Պերճ Սեդրակեան երախտագիտութիւն յայտնեց Մանուկեաններուն, ինչպէս նաեւ բոլոր այն նուիրատուներուն, որոնց առատաձեռնութեան շնորհիւ կարելի կ՛ըլլայ իրականացնել ՀԲԸՄի բարեսիրական շարք մը նախաձեռնութիւնները։