Հրայր Ակիւլեան
Սուզան Տէր Գրիգոր, 60 տարեկան համեստափայլ եւ բոլորին կողմէն յարգուած հայ օրիորդ մը, յուլիսի իննին՝ շրջանը գրաւի ենթարկած «Ալ-Նուսրա» ահաբեկչական խմբաուորումներուն կողմէ բռնաբարուած եւ սպաննուած գտնուեցաւ: Սուրիական պատերազմը կայծ տալէն առաջ ալ, ան սիրողական պարտականութիւնը կը կատարէր, գիւղին դպրոցին մէջ, Արաբերէն լեզու դասաւանդելով, եւ իր ծնողներէն ժառանգ մնացած պարտէզներուն հոգատարութեամբ զբաղելով:
Եագուպիէի մէջ մնացած 18 Քրիստոնեայ կիներ, որոնք ամէն երեքշաբթի եկեղեցիին մէջ հաւաքուելով՝ թէ իրարու կը տեսնէին եւ թէ ալ աղօթք կ՛ընէին, մտահոգուելով Սուզանին բացակայութեան, աղօթքէն վերջ իր տունը երթալով բացակայութիւնը նկատեցին, տան դուռը բաց էր բայց Սուզանը չկար հոն, շուրջի պարտէզները զննած ատեն գտան անոր անշարժ մարմինը, իր քարկոծուած դիակը:
Ըստ բժշկական քննութեան արդիւնքին ան, ինը ժամ շարունակ բռնաբարուելէ ետք, քարկոծուելով սպաննուած է:
Աստուած հոգին լուսաւորէ:Ընտանիքը եւ հարազատները համբերութեամբ մխիթարէ: