Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հրաւէրով, Երեքշաբթի, 19 Փետրուարին, Մայր Աթոռ Սուրբ Էջմիածին ժամանեց Ն.Ս.Օ.Տ.Տ. Արամ Ա Մեծի Տանն Կիլիկիոյ Կաթողիկոսը:
Մայր Աթոռ Սուրբ Էջմիածինի մէջ` Ս. Տրդատի կամարին առջեւ, եղբայրական ողջագուրումէ ետք Ամենայն Հայոց Կաթողիկոսը եւ Մեծի Տանն Կիլիկիոյ Կաթողիկոսը Մայր Տաճարի զանգերու ղօղանջներուն ներքոյ Մայր Աթոռի միաբաններու թափօրով առաջնորդուեցան Սուրբ Յովհաննէս Մկրտիչ-Սուրբ Վարդան մատուռ-մկրտարան, ուր կատարուեցաւ միասնական աղօթք:
Աղօթքէն ետք՝ Նորին Սրբութիւն Գարեգին Բ Ամենայն Հայոց Կաթողիկոսը բարիգալստեան խօսքով ողջունեց Նորին Սրբութիւն Արամ Ա Կաթողիկոսը: Ողջոյնի խօսքով հանդէս եկաւ նաեւ Մեծի Տանն Կիլիկիոյ Կաթողիկոսը: