ԵՐԵՒԱՆ, «Արմէնփրէս».- Հայաստանի արտաքին գործոց նախարար Արարատ Միրզոյեան ընդունեց տարածաշրջանային այցելութեամբ Հայաստան գտնուող Միացեալ Նահանգներու արտաքին գործոց նախարարի Եւրոպայի եւ Եւրասիոյ գործերու նորանշանակ փոխտեղակալ Էրիքա Օլսընը։
Հանդիպումին ընթացքին միտքեր փոխանակուեցան տարածաշրջանային ապահովութեան եւ կայունութեան հարցերու վերաբերեալ` ընդգծելով Լեռնային Ղարաբաղի հակամարտութեան համապարփակ լուծման անհրաժեշտութիւնը` ԵԱՀԿի Մինսքի խումբի համանախագահութեան ձեւաչափով եւ անոր հովանիին տակ: Այդ առումով կարեւոր նկատուեցաւ Սեպտեմբերին Նիւ Եորքի մէջ Հայաստանի եւ Ատրպէյճանի արատքին գործոց նախարարներուն եւ համանախագահներուն մասնակցութեամբ տեղի ունեցած հնգակողմ հանդիպումը:
Քննարկուեցան նաեւ Արցախի վրայ Ատրպէյճանի սանձազերծած յարձակումին իբրեւ արդիւնք ստեղծուած մարդասիրական իրավիճակը: Այդ պարունակին մէջ, Միրզոյեան շեշտեց հայ ռազմագերիներու եւ այլ պահուող անձերու անվերապահ հայրենադարձման անհրաժեշտութիւնը, ինչպէս նաեւ ատրպէյճանական վերահսկողութեան տակ անցած տարածքներուն մէջ Արցախի հայկական կրօնական եւ պատմամշակութային ժառանգութեան պահպանման կարեւորութիւնը:
Նշենք, որ Էրիքա Օլսըն այցելութիւն կու տայ Հայաստան, Ատրպէյճան եւ Վրաստան` տարածաշրջանային համագործակցութիւնը խթանելու եւ հարցերը քննարկելու նպատակով: