Ազրպէյճանի նախագահ Իլհամ Ալիեւի կարծիքով` Միացեալ Նահանգներ կրնայ կարեւոր դեր խաղալ Երեւանի եւ Պաքուի միջեւ յարաբերութիւններու կարգաւորման գործին մէջ: «Արմէնփրես»-ի հաղորդումով` այս մասին կը յայտնէ ԹԱՍՍ լրատու գործակալութիւնը:
«Այն շրջանին, երբ ձեւաւորուած են Հարաւային Կովկասի մէջ կայուն խաղաղութեան եւ տնտեսական յառաջընթացի հաստատման համար բարենպաստ պայմաններ, մենք կը հաւատանք, որ Միացեալ Նահանգները կրնան Հայաստանի եւ Ազրպէյճանի միջեւ յարաբերութիւններու կարգաւորման, հաղորդակցութիւններու բացման, մարդոց միջեւ կապերու հաստատման գործին մէջ կարեւոր դեր խաղալ», նշուած է Միացեալ Նահանգներու Անկախութեան տօնին առիթով Միացեալ Նահանգներու նախագահ Ճօ Պայտընին ուղղուած Ալիեւի շնորհաւորական նամակին մէջ:
Ազրպէյճանի նախագահը նաեւ կարծիք յայտնած է, որ Միացեալ Նահանգները կրնայ զգալի ներդրում ունենալ Հայաստանի եւ Ազրպէյճանի միջեւ խաղաղութեան համաձայնագիրի նախապատրաստութեան հոլովոյթին մէջ: