Հայաստանի ֆութպոլի ազգային հաւաքականի աւագ Հենրիխ Մխիթարեան պաշտօնապէս տեղափոխուեցաւ Լոնտոնի «Արսենալ»: Ան իր նախկին ակումբի` «Մանչեստեր Եունայթըտ»-ի մարզաշապիկը յանձնած է բարեգործութեան նպատակով:
«Որպէս շնորհակալութիւն «Մանչեստեր Եունայթըտ»-ի երկրպագուներուն, «Միքի. հայ հերոս» վաւերագրական ֆիլմի նկարահանման նպաստող բոլոր մարդոց անունով ես կը յանձնեմ խումբի բոլոր ֆութպոլիստներուն կողմէ ստորագրուած մարզաշապիկը Հայաստանի մէջ քաղցկեղով հիւանդ երեխաներուն աջակցելու համար»,-իր ֆէյսպուքեան էջին վրայ գրած է Հենրիխ Մխիթարեան: