ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Մոսկվայում վերջին հրաժեշտն են տալիս երգիչ Իոսիֆ Կոբզոնին: Ինչպես հաղորդում է «Արմենպրես»-ը, վկայակոչելով «ՌԻԱ նովոստի»-ն, երգչի հոգեհանգստի արարողությունը մեկնարկել է Մոսկվայի ժամանակով առավոտյան ժամը 08:00-ին, Չայկովսկու անվան համերգասրահում:
Հոգեհանգստի արարողության մեկնարկից 30 րոպե անց համերգասրահ մարդկանց հոսքը շարունակվել է, իսկ դրսում փոքրիկ հերթ է գոյացել:
Խորհրդային Միության ժողովրդական արտիստ, ՌԴ Պետական դումայի պատգամավոր Իոսիֆ Կոբզոնը մահացել է երկարատև հիվանդությունից հետո, 81 տարեկան հասակում: