Հանրապետութեան նախագահ զօր. Միշել Աուն երէկ Պաապտայի մէջ ընդունեց նոտարներու խորհուրդի նորընտիր վարչութիւնը` գլխաւորութեամբ վարչութեան ատենապետ Նաժի Խազենի:
Հանդիպումին ընթացքին քննարկուեցան նոտարներուն դիմագրաւած դժուարութիւններն ու պահանջները:
Նախագահ Աուն շեշտեց, որ ինք կը մերժէ դրամատան մէջ հաշիւ ունեցող քաղաքացիին վերագրել այլոց գործած սխալները` աւելցնելով, որ ամէն ջանք ի գործ կը դնէ արգիլելու համար այդ քայլը:
«Մենք յարձակումներու կ՛ենթարկուինք այն ծանօթ կողմերէն, որոնք կը մերժեն իրաւական հաշուեքննութիւնը հասցնել այնպիսի կէտի, ուր կարելի ըլլայ պատասխանատու նկատել երկրին ելեւմտական կացութիւնը այս ցաւալի աստիճանին հասցնողները», ըսաւ ան:
Նախագահ Աուն շեշտեց, որ խաղը իր վերջին փուլին մէջ կը գտնուի, եւ Լիբանանի աղէտին մեղսակցած իւրաքանչիւր պատասխանատու պիտի բացայայտուի: