Պատրաստեց Գէորգ Եազըճեան
– «Ախթալայի հանքավայրեր. Վաւերագրերի ժողովածու 1886-1999թթ.», կազմող՝ Էմմա Յովսէփեան, խմբագիր՝ Ամատունի Վիրաբեան, Հայաստանի ազգային արխիւ, Երեւան, 2019, 436 էջ (17 x 24 սմ.) (անձնանուններու, տեղանուններու, յապաւումներու, չհրապարակուող եւ հրապարակուող փաստաթուղթերու ցանկեր) (փաստաթուղթերուն ջախջախիչ մեծամասնութիւնը՝ ռուսերէն): Ժողովածուն հրատարակութեան երաշխաւորած է Հայաստանի Ազգային արխիւի գիտական խորհուրդը:
– Աղպաշեան Պարոյր Յ., «Ազգային հրատապ հիմնահարցեր (Մամուլ, լեզու, դպրոց-ուսուցչութիւն, մտաւորականութիւն)», տպարան Zincograph Kesdenian, Պէյրութ, 2020 (հրապարակագրութիւն):
– «Բանաւորէն՝ գրաւոր – Հայկական 8 հեքիաթ եւ 4 առակ», անգլերէնէ թարգմանութիւնը՝ Էլենի Քոնթեմենիոթու-Քասեսեանի, խմբագիր՝ Էլլի Տրուլիա, գծանկարները՝ Տմիթրի Քրեփսիսի, դիմանկարները՝ Քոսթիս Ի. Քսուրիասի, հրատարակիչ՝ Յունաստանի Հանրապետութեան խորհրդարան, Աթէնք, 2019, 92 էջ (21 x 29,7 սմ.) (հայկական ժողովրդական պատումներու եւ հեքիաթներու թարգմանութիւն՝ գունաւոր եւ գեղազարդ հրատարակութեամբ) (յունարէն):
– Բեժանեան Անուշ, «Կորսուած հնարաւորութիւններ. Իրաքահայերի հայրենադարձութիւնը 2003-2008», Երեւան, 2020, 260 էջ:
– Գելճիք Պետրոս, «Ամերիկահայ երգիծապատումներ», թարգմանիչներ՝ Արիս Սեւակ (20 երգիծապատում), Վարդան Մատթէոսեան (8 երգիծապատում), Լու-Անն Մաթոսեան (1 երգիծապատում), խմբագիրներ՝ Քրիսթոֆըր Ադամեան, Լու-Անն Մաթոսեան եւ Պարլոու Տէր Մկրտիչեան, «Հայկական մատենաշար» թիւ 8, Գալիֆոռնիոյ պետական համալսարանի հրատարակչութիւն, Ֆրեզնօ, 2020, 195 էջ (15,1 x 22,7 սմ.) (27 երգիծապատումներ, հեղինակին կենսագրութիւնը) (անգլերէն):
– Գրիգոր Նարեկացի, «Մատեան ողբերգութեան», արեւմտահայերէն աշխարհաբարի վերածեց Թորգոմ եպս. Գուշակեան, վերահրատարակութիւն, Մեծի Տանն Կիլիկիոյ կաթողիկոսութեան տպարան, Անթիլիաս – Լիբանան, 2020: Լոյս տեսած է բառերու եւ հնացած արտայայտչաձեւերու որոշ փոփոխութիւններով:
– Նազարեան Հայկ, «Մեծ Բրիտանիայի աշխարհառազմավարական շահերը Հայաստանում եւ Այսրկովկասում (1914-1920թթ.)», գլխաւոր խմբագիր՝ Լեւոն Շիրինեան, Հայաստանի ազգային արխիւ, Երեւան, 2020, 264 էջ (15 x 21 սմ.): Լոյս տեսած է Հայաստանի ազգային արխիւի գիտական խորհուրդի որոշումով:
– «Նիւթեր Հ. Յ. Դաշնակցութեան պատմութեան համար», ԺԳ. հատոր, կազմող եւ խմբագիր՝ Երուանդ Փամպուքեան, ՀՅԴ Բիւրոյի հրատարակութիւն, Համազգայինի «Վահէ Սէթեան» տպարան, Պէյրութ, 2020: Մեկենասներն են տէր եւ տիկին Կարպիս եւ Մարալ Մխճեանները (փաստաթուղթերու ժողովածու, անձնանուններու եւ տեղանուններու ցանկեր):
– Պաղտասարեան Էտիկ (Էտիկ Գերմանիկ), «Թուրքերու ծագումը» երկու հատորով, Ա. հատորով, Հայկական ուսումնասիրութիւններու կեդրոն, Թորոնթօ, փետրուար 2020, 354 էջ (17 x 25 սմ.) (պարսկերէն):
– Պաղտասարեան Էտիկ (Էտիկ Գերմանիկ), «Հայ Եկեղեցու թեմերը», Հայկական ուսումնասիրութիւնների կենտրոն, Թորոնթօ, մարտ 2020, 400 էջ (17 x 25 սմ.):
– Պոյաճեան Միքայէլ, «Հայկական ազատ որմնադրութեան պատմութիւնը. Օթեակին վերադարձը», «CreateSpace» հրատարակչական անկախ հարթակ, 99 էջ, 2018? (թոշակի անցած հայազգի ազատ որմնադիր դատաւորի ուսումնասիրութիւնը) (անգլերէն):