Հրամանաւ Ն.Ս.Օ.Տ.Տ. Արամ Ա. Կաթողիկոսին, Մեծի Տանն Կիլիկիոյ Կաթողիկոսութեան Անթիլիասի Մայրավանքի տպարանէն լոյս տեսաւ երգահան, խմբավար եւ ուսուցիչ Բարսեղ Կանաչեանին «Երաժշտական Երկերու Ժողովածու»ն՝ երկու հատորով։ Աշխատութեան խմբագիրներն են երգահաւաք եւ երաժշտաբան Պետրոս Յովսէփ Ալահայտոյեան եւ երաժշտական խմբագիր ու համակարգչային նօթագրող Դոկտ. Ծովիկ Մկրեան-Մարգարեան։
Աշխատութիւնը կը պարունակէ 7 մեներգներ, 11 խմբերգներ, 19 մանկապատանեկան երգեր, 23 խմբերգներ եւ դաշնամուրային կտորներ, բարբառային բառարան եւ մատենագիտութիւն։