Ուրբաթ, 3 Դեկտեմբեր 2021-ին, Ն.Ս.Օ.Տ.Տ. Արամ Ա. Վեհափառ Հայրապետը Արաբական Միացեալ Էմիրութեանց (Ա.Մ.Է.) Ազգային Տօնի 50 ամեակին առիթով, շնորհաւորական նամակ յղեց երկրի նախագահ վսեմաշուք Շէյխ Խալիֆա Պըն Զայէտ Ալ Նահեանին:
Նորին Սրբութիւնը իր շնորհաւորական նամակին մէջ ըսած է, թէ Ա.Մ.Է. մէջ բնակութիւն հաստատած հայ գաղութը անբաժան մասը կը կազմէ Ա.Մ.Է. ընկերութեան եւ իր կարեւոր նպաստը կը բերէ յատկապէս անոր տնտեսութեան զարգացման։