Միացեալ Նահանգներու պաշտպանութեան նախարար Լոյտ Օսթին յայտնեց. «Ուքրանիան դէմ կը դնէ ռուսական անարդարանալի յարձակումին եւ ինքզինք պաշտպանելու մէջ քաջութիւն կը ցուցաբերէ»:
«Կ՛ուզենք շարունակել Ուքրանիոյ ինքնապաշտպանութեան օժանդակել», նշեց ան:
«Կացութեան փոփոխութենէն ու ռուսական յարձակումին Տոնպասի վրայ կեդրոնանալէն ետք Ուքրանիան փոխեց պաշտպանական իր պահանջները», յայտնեց Օսթին` աւելցնելով. «Քիեւի ճակատամարտին մէջ Ռուսիոյ պարտութենէն ետք, (Ուքրանիան) կռուեցաւ ինքզինք եւ իր գերիշխանութիւնը պաշտպանելու համար»:
«Աւելի քան 30 երկիրներ Ուքրանիոյ` ընդդէմ Ռուսիոյ աջակցելու դաշինք կազմած են, եւ անոր աւելի քան 3 միլիառ տոլար արժողութեամբ սարքեր կը մատակարարենք անոր», ըսաւ ան:
«Ուքրանիոյ մէջ պատերազմը մեր բոլորիս ճակատամարտն է», շեշտեց Միացեալ Նահանգներու պաշտպանութեան նախարարը: