Ազրպէյճանի արտաքին գործոց նախարար Ճէյհուն Պայրամով կառուցողական գնահատած է Հայաստանի արտաքին գործոց նախարար Արարատ Միրզոյեանի հետ տեղի ունեցած քննարկումը: Անոնք հեռաձայնային հաղորդակցութիւն ունեցած էին 11 ապրիլին: Այս մասին հաղորդեց «Ինթըրֆաքս-Ազրպէյճան»-ը:
«Առաջին եւ կարեւոր քայլը կը նկատենք այն փաստը, որ Հայաստանը ընդունած է Ազրպէյճանի առաջարկած հինգ հիմնական կէտերը… անոնք հիմնուած են միջազգային օրէնքին վրայ, եւ անոնց գործադրումը նաեւ Հայաստանի համար շահաւէտ է», երէկ լրագրողներու հետ զրոյցի ընթացքին ըսած է Պայրամով:
Հայաստանի արտաքին գործոց նախարար Արարատ Միրզոյեան երէկ Հայաստանի Ազգային ժողովին մէջ յայտնած էր, որ հեռաձայնային հաղորդակցութիւնը տեղի ունեցած է ազրպէյճանական կողմի նախաձեռնութեամբ: