Ազրպէյճանի արտաքին գործոց նախարար Ճէյհուն Պայրամով յայտարարած է, որ Հայաստանի հետ սահմանազատման հոլովոյթի մեկնարկը լարուածութենէն խուսափելու միակ միջոցն է: Այս մասին կը հաղորդէ «ՌԻԱ Նովոսթի» լրատու գործակալութիւնը:
«Սահմաններուն վրայ լարուածութենէն խուսափելու միակ միջոցը սահմանազատման հոլովոյթին սկսիլն է: Հակառակ Ազրպէյճանի նախաձեռնած կառուցողական բանակցութիւններուն` հակառակ կողմէն նոյնը չենք նկատեր», ըսած է Պայրամով:
«Հայաստանի տրամադրած ականներու քարտէսներուն ճշգրտութիւնը շատ ցած է: Տրամադրուած նոր քարտէսները կը վերլուծուին մասնագէտներուն կողմէ: Այդ ամէնը ժամանակ կը պահանջէ», յայտնած է ան: