Վիճակագրութեան կեդրոնական վարչութեան ընդհանուր տնօրէնութիւնը հրապարակեց իր տեղեկագիրը,ուր հաստատեց, թէ 2022-ի սեպտեմբեր ամսուան սպառողական իրերու սակը միջին հաշուով 8,40 առ հարիւրի աճ արձանագրած է` բաղդատած 2022-ի օգոստոս ամսուան սակին:
Իւրաքանչիւր նահանգի պարագային արձանագրուած սղաճի համեմատութիւնը կը ներկայացուի հետեւեալ պատկերով.
- Պէյրութի մէջ` 7,21 առ հարիւր:
- Լեռնալիբանանի մէջ` 8,02 առ հարիւր:
- Հիւսիսային Լիբանանի մէջ` 9,17 առ հարիւր:
- Պեքաայի մէջ` 8,77 առ հարիւր:
- Հարաւային Լիբանանի մէջ` 9,02 առ հարիւր:
- Նապաթիէի մէջ` 10,20 առ հարիւր:
Վիճակագրութեան կեդրոնական վարչութեան ընդհանուր տնօրէնութեան հրապարակած տեղեկագիրին մէջ նշուեցաւ նաեւ, որ 2022-ի սեպտեմբեր ամսուան սպառողական իրերու սակին ցուցանիշը միջին հաշուով 162.47 առ հարիւրի աճ արձանագրած է` բաղդատած 2021-ի սեպտեմբեր ամսուան: