ՍՏԵՓԱՆԱԿԵՐՏ.- 7 Ապրիլին, Ստեփանակերտի մէջ տեղի պիտի ունենայ Աստուածամօր Սուրբ Հովանի Մայր Տաճարի օծման եւ բացման պաշտօնական արարողութիւնը: Այս մասին կը հաղորդէ «Երկիր»ը:
Արցախի մայրաքաղաքին մէջ Մայր տաճար ունենալը եղած է Հայ առաքելական եկեղեցւոյ Արցախի թեմի առաջնորդ Պարգեւ արք. Մարտիրոսեանի գաղափարը: Իրականացնելու համար սոյն գաղափարը՝ դիմում եղած է շարք մը բարերարներու: Առաջինը արձագանգած է յայտնի բարերար՝ երջանկայիշատակ Հրանդ Վարդանեան, որ կատարած է սկզբնական ամենամեծ նուիրատուութիւնը: Եկեղեցւոյ կառուցման ֆինանսաւորումը շարունակած են Հրանդ Վարդանեանի որդիները՝ Միքայէլը եւ Կարէնը: Վարդանեան ընտանիքը Ստեփանակերտի Մայր տաճարի կառուցման համար, ընդհանուր առմամբ, նուիրած է 400 միլիոն դրամ: