Հակառակ ուժանիւթի եւ ջուրի հարցերու նախարարութեան հրապարակած թիւ 180 հրամանագիրին, որուն համաձայն, 98 օքթան պենզինի թիթեղին սակը հասաւ 180.000 լ. ոսկիի, իսկ 95 օքթան պենզինի թիթեղին սակը` 174.300 լ. ոսկիի, որ կը նշանակէ, թէ պենզինի նոր գինը ճշդուած է ամերիկեան տոլարին դիմաց 12.000 լ. ոսկիի սակով, լիբանանցին տակաւին կը շարունակէ մնալ առանց վառելանիւթի:
Մինչ այս վիճակը կը յամենայ, իրաքեան ֆիուլ օյլը կը հասնի նաեւ Զահրանիի ելեկտրական կայանը:
Նշենք, որ նախապէս իրաքեան նաւթը հասած էր Տէյր Աամարի ելեկտրակայան:
Այս բոլորին կողքին, անցեալ շաբաթավերջին Սուրիայէն Լիբանան հասան իրանեան նաւթի այլ փոխադրատարներ:
Այս առումով Իրանի արտաքին գործոց նախարարութեան բանբեր Սայիտ Խաթիպզատէ յայտնեց, որ Իրան յանձնառու կը մնայ բարեկամ երկիրներուն օժանդակութեան` աւելցնելով, որ Լիբանան ղրկուած իրանեան նաւթը լիբանանեան պահանջի ընդառաջում էր:
«Եթէ Լիբանան դարձեալ կը փափաքի իրանեան նաւթ գնել, ապա մենք պատրաստ ենք ընդառաջելու այդ փափաքին», ըսաւ Խաթիպզատէ:
Այս մասին վարչապետ Միքաթիի մօտիկ աղբիւրները հաստատեցին, որ Լիբանանի կառավարութիւնը Իրանէն նաւթ չէ պահանջած:
Հակառակ ուժանիւթի եւ ջուրի հարցերու նախարարութեան հրապարակած թիւ 180 հրամանագիրին, որուն համաձայն, 98 օքթան պենզինի թիթեղին սակը հասաւ 180.000 լ. ոսկիի, իսկ 95 օքթան պենզինի թիթեղին սակը` 174.300 լ. ոսկիի, որ կը նշանակէ, թէ պենզինի նոր գինը ճշդուած է ամերիկեան տոլարին դիմաց 12.000 լ. ոսկիի սակով, լիբանանցին տակաւին կը շարունակէ մնալ առանց վառելանիւթի:
Մինչ այս վիճակը կը յամենայ, իրաքեան ֆիուլ օյլը կը հասնի նաեւ Զահրանիի ելեկտրական կայանը:
Նշենք, որ նախապէս իրաքեան նաւթը հասած էր Տէյր Աամարի ելեկտրակայան:
Այս բոլորին կողքին, անցեալ շաբաթավերջին Սուրիայէն Լիբանան հասան իրանեան նաւթի այլ փոխադրատարներ:
Այս առումով Իրանի արտաքին գործոց նախարարութեան բանբեր Սայիտ Խաթիպզատէ յայտնեց, որ Իրան յանձնառու կը մնայ բարեկամ երկիրներուն օժանդակութեան` աւելցնելով, որ Լիբանան ղրկուած իրանեան նաւթը լիբանանեան պահանջի ընդառաջում էր:
«Եթէ Լիբանան դարձեալ կը փափաքի իրանեան նաւթ գնել, ապա մենք պատրաստ ենք ընդառաջելու այդ փափաքին», ըսաւ Խաթիպզատէ:
Այս մասին վարչապետ Միքաթիի մօտիկ աղբիւրները հաստատեցին, որ Լիբանանի կառավարութիւնը Իրանէն նաւթ չէ պահանջած: