Կառավարութեան կազմութեան նպատակով ի գործ դրուած ճիգերուն շրջագիծին մէջ, վարչապետ Մուսթաֆա Ատիպ այսօր կէսօրին պիտի այցելէ հանրապետութեան նախագահ զօր. Միշել Աունի, որուն հետ պիտի քննարկէ երէկուան իր հանդիպումին արդիւնքները:
Միւս կողմէ, երէկ կէսօրէ ետք վարչապետ Ատիպ ընդունեց խորհրդարանի նախագահի քաղաքական օգնական, երեսփոխան Ալի Հասան Խալիլն ու Հըզպալլայի ընդհանուր քարտուղարի քաղաքական օգնական Հիւսէյն Խալիլը, որոնց հետ քննարկեց կառավարութեան մէջ ելեւմուտքի նախարարին ինքնութիւնը:
Շիի երկեակին աղբիւրները հաստատեցին, որ զոյգ Խալիլներուն եւ վարչապետ Ատիպի հանդիպումը եղած է դրական` աւելցնելով, որ խորհրդակցութիւններն ու քննարկումները պիտի շարունակուին: