Վերադատ ատեանը մերժեց Արդարութեան գերագոյն խորհուրդի Պէյրութի նաւահանգիստի պայթումի հետաքննութեան պատասխանատու դատախազ Թարեք Պիթարը այդ պաշտօնէն զերծ կացուցելու պահանջները, որոնք ներկայացուած էին նախկին նախարարներ Նուհատ Մաշնուքի, Ղազի Զաայթերի եւ Ալի Հասան Խալիլի կողմէ:
Հետեւաբար Պիթար այսօրուընէ սկսեալ կը վերսկսի իր աշխատանքներուն` իբրեւ Պէյրութի նաւահանգիստի պայթումի հետաքննութեան պատասխանատու դատախազ:
Միւս կողմէ, երէկ երեկոյեան ժամը 5:00-ին, Պէյրութի նաւահանգիստի պայթումի զոհերուն հարազատները բողոքի ցոյց մը կատարեցին նաւահանգիստի թիւ 3 դարպասին դիմաց` պահանջելով շարունակել հետաքննութիւնը եւ բացայայտել այդ պայթումին դրդապատճառները: