ՀՀ Պաշտպանութեան Նախարար Վիգէն Սարգսեան Իր Ֆէյսպուքեան Էջին Վրայ Կը Գրէ.
«Ալպերտ Դալլաքեան մեր նորօրեայ հերոսներէն մէկն է: Պաշտպանութեան նախարարութիւնը մշտապէս գտնուած է եւ պիտի շարունակէ գտնուիլ իր եւ մեր բոլոր մնացած հերոս տղաներու եւ անոնց ընտանիքներու կողքին: Ալպերտին անհրաժեշտ է շատ դժուար վիրահատութիւն: Օրէնքով մենք չենք կրնար փոխհատուցել արտերկրի մէջ այդ վիրահատութեան կատարումը, քանի որ այդ վիրահատութիւնը հնարաւոր է կազմակերպել նաեւ Հայաստանի մէջ: Բայց արտերկրի բուժկէտերուն մէջ, որ ունին անհամեմատ աւելի մեծ փորձ եւ հմտութիւններ այս հարցով, Ալպերտի արագ ապաքինման հաւանականութիւնն անհամեմատ մեծ է:
Ես խորհուրդ տուած եմ ընտանիքին փորձել նման դրամահաւաքի միջոցով հաւաքել անհրաժեշտ գումարը: Ես անձամբ եւ իմ քանի մը ընկեր կը տրամադրենք պահանջուող գումարի ($45.000) 10 տոկոսը: Կոչ կ՝ընեմ բոլորիդ, ով կրնայ միանանք այս դրամահաւաքին եւ օր առաջ օգնենք Ալպերտի ընտանիքին հաւաքելու անհրաժեշտ գումարը: Նոյնիսկ պարզապէս այս կոչիս տարածումը ձեր կողմէ եւս կրնայ օգնել: Աստուած պահապան Ալպերտին, մեր բոլոր հերոսներուն, բանակին եւ ժողովրդին»: