https://newinfo.am-Արմինե Հարությունյան
Քանոնահարուհի, միջազգային բազմաթիվ մրցույթների դափնեկիր Մարիաննա Գևորգյանը դարձել է Global Cultural Initiative World Folk Vision համաշխարհային մրցույթ-փառատոնի գլխավոր մրցանակակիր՝ «Աշխարհի ժողովուրդների երաժշտություն» անվանակարգում, որտեղ ներկայացրել է ազգային նվագարան քանոնը։ Տաղանդավոր հայուհին 115 երկրի 3950 մասնակցների մեջ զբաղեցրել է գլխավոր «Գրան-պրի» մրցանակը։
Հիշեցնենք, որ 2020թ-ին ևս նա գլխավոր մրցանակակիր էր դարձել։
Շնորհաշատ քանոնահարուհին մասնակցել է բազմաթիվ հանրապետական և միջազգային մրցույթ-փառատոնների, որտեղ ներկայացրել է Հայաստանն ու հայ երաժշտությունը։
Մասնավորապես վերջերս Հնդկաստանում կայացած միջազգային մրցույթում նա արժանացել է առաջին կարգի մրցանակի և «Երաժշտության դեսպան» հատուկ մրցանակի։
Մարիաննա Գևորգյանը բացառիկ է նրանով, որ ոչ միայն ինքն է ներկայացնում այլ ազգերին հայ երաժշտութունն ու մշակույթը, այլ նաև այլազգի երաժիշտների հետ է ներկայացնում հայ երաժշտությունը։ Նա նվագել է հնդիկ, չինացի, ֆրանսիացի, նիգերիացի, ճապոնացի, անգլիացի, ամերիկացի, ավստրալացի, մեքսիկացի, եգիպտացի, հրեա, իտալացի, պարսիկ, գերմանացի, շվեդ, չեխ երգիչ-երաժիշտների հետ միայն հայկական երաժշտություն: Սա բացառիկ երաժշտական տաղանդ է և որպես ռեկորդ գրանցվել է ՀՀ «Դյուցազնագրքում»:
Տաղանդաշատ երաժիշտը ներկայումս Կոմիտասի անվան կամերային երաժշտության տան «Տաղարան» համույթի մենակատար քանոնահարուհին է /գեղ. ղեկավար Երկանյան/։