Ֆրանսայի մէջ մահացաւ հայազգի օփերային երգչուհի Լին Դուրեանը: Ան ութսուն տարեկան էր: Երգչուհին, որուն բուն անունը Նուարդ Ժոսլին Տիրատուրեան է, ծնած է 29 Յունիս 1933-ին, Լիոն: Երաժշտական ուսումը ստացած է Փարիզի մէջ: Ծանօթ օփերաներու մէջ իր կատարումներով ձեռք բերած է հռչակ եւ համաշխարհային ճանաչում: Վերջին տարիներուն բազմաթիւ համերգներ կազմակերպած է Հայաստանի եւ Լեռնային Ղարաբաղի օժանդակութեան նպատակով:
ՕՓԵՐԱՅԻ ԵՐԳՉՈՒՀԻ ԼԻՆ ԴՈՒՐԵԱՆ ՈՉ ԵՒՍ Է
