ԵՐԵՒԱՆ, «Արմէնփրէս»․- Ֆրանսահայերը 28 Հոկտեմբերին երկկողմանի փակեցին դէպի Վալանս քաղաք տանող A7 մայրուղին: Այդ ընթացքին երեք թուրքեր յայտնուեցան այդ տարածքին մէջ եւ մուրճով ու դանակով յարձակեցան հայերուն վրայ: Լեւոն անունով երիտասարդ մը կորսնցուց գիտակցութիւնը եւ վիրաւորուեցան քանի մը ուրիշներ:
Դէպքին վայրը հասան ոստիկանական ուժեր եւ շտապ օգնութեան ինքնաշարժ մը ու օգնութիւն ցոյց տուին վիրաւորներուն, ապա հիւանդանոց տեղափոխեցին անոնցմէ մէկը:
Ցուցարարները իրենց արարքով կը փափաքէին Ֆրանսայի ուշադրութիւնը գրաւել եւ կը պահանջել, որ համարժէք արձագանգ տայ Արցախի մէջ թուրք-ատրպէյճանական ահաբեկչական յարձակումին:
«Սահմանին մենք կը կորսնցնենք մեր 18-20 տարեկան երիտասարդները, այդ պատճառով մենք ամէն ինչ պիտի ընենք, որպէսի մեր ձայնը լսելի դառնայ: Եթէ հարկ ըլլայ՝ օդակայաններ կը փակենք, մեր ձայնը պիտի լսելի դարձնենք Ֆրանսային», ըսաւ ցուցարարներէն մէկը: