Չորեքշաբթի, 16 ապրիլ 2014-ի երեկոյեան Արամ Ա. կաթողիկոսին այցելեց ընդհանուր դատախազ Ժան Ֆահըտ: Հանդիպումը առիթ մը եղաւ անդրադառնալու Լիբանանի ընդհանուր կացութեան, յատկապէս դատական մարզին առնչուած: Այս ծիրին մէջ նաեւ արծարծուեցան համայնքային դատարանին կապուած շարք մը հարցեր:
Վեհափառ հայրապետը շեշտեց, որ հայ համայնքը յատուկ կարեւորութիւն կու տայ ընտանիքին կապուած իրաւական հարցերուն, որովհետեւ ընտանիքը նուիրական կառոյց մըն է: