Հայաստանի հանրապետութեան նախագահ Արմէն Սարգսեանի հրամանագիրով՝ Արա Այվազեան նշանակուեցաւ արտաքին գործոց նախարար:
Արա Այվազեան ծնած է 1969-ին, Երեւան: 1986-1993 ուսանած եւ աւարտած է Երեւանի Պետական Համալսարանի արեւելագիտութեան արաբական բաժինը: 1987-1989 ծառայած է Խորհրդային բանակին: 1994-ին աւարտած է Պէյրութի Հայկազեան համալսարանի քաղաքագիտութեան բաժինը: 1995 թուականէն կ’աշխատի Հայաստանի արտաքին գործոց նախարարութեան մէջ՝ զբաղեցնելով տարբեր պաշտօններ: 1996-2018՝ Հայաստանի հանրապետութեան արտակարգ եւ լիազօր դեսպան նշանակուած է Դանիոյ, Շուէտի, Լիթվայի, Փանամայի, Գուպայի եւ շարք մը այլ երկիրներու մէջ:
16 հոկտեմբեր 2020-ին, Հայաստանի վարչապետին հրամանով նշանակուած է արտաքին գործոց նախարարի տեղակալ: