ԵՐԵՒԱՆ, «Արմէնփրէս».- Արցախի Հանրապետութեան նորընտիր Ազգային ժողովին մէջ ներկայացուած պիտի ըլլան 5 քաղաքական ուժեր՝ Հայ Յեղափոխական Դաշնակցութիւնը, «Ազատ Հայրենիք-ՔՄԴ» կուսակցութիւններու դաշինքը, «Միասնական հայրենիք» կուսակցութիւնը, «Արցախի Արդարութիւն» կուսակցութիւնը եւ Արցախի ժողովրդավարական կուսակցութիւնը։ 1 ապրիլին տեղի ունեցած մամլոյ ասուլիսին ընթացքին այս մասին յայտնեց Արցախի Հանրապետութեան Կեդրոնական ընտրական յանձնաժողովի նախագահ Սրբուհի Արզումանեան:
«Կուսակցութիւնների դէպքում խորհրդարան է անցնում 5 տոկոսի շեմը յաղթահարած քաղաքական ուժը, կուսակցութիւններու դաշինքի դէպքում` 7 տոկոսի շեմը յաղթահարած ուժը: Այսպիսով` Արցախի Հանրապետութեան Ազգային ժողովում ներկայացուած կը լինեն 5 քաղաքական թիմեր: Մանդատների բաշխման վերաբերեալ տուեալները հրապարակուելու են 7 օր յետոյ», ըսաւ Արզումանեան:
Ան ներկայացուց իւրաքանչիւր քաղաքական ուժի ստացած ձայները՝ թուային եւ տոկոսային ցուցանիշերով.
- «Ազգային վերածնունդ» կուսակցութիւն՝ 2360 քուէ՝ 3,2 տոկոս
- «Միասնական հայրենիք» կուսակցութիւն՝ 17,365 քուէ՝ 23,63 տոկոս
- «Անկախութեան սերունդ» կուսակցութիւն՝ 656 քուէ՝ 0,9 տոկոս
- Հայ Յեղափոխական Դաշնակցութիւն կուսակցութիւն՝ 4717 քուէ՝ 6,4 տոկոս
- Արցախի յեղափոխական կուսակցութիւն՝ 1660 քուէ՝ 2,26 տոկոս
- «Ազատ Հայրենիք-ՔՄԴ» կուսակցութիւններու դաշինք՝ 29,688 քուէ՝ 40,4 տոկոս
- «Արցախի արդարութիւն» կուսակցութիւն՝ 5865 քուէ՝ 7,9 տոկոս
- Արցախի ժողովրդավարական կուսակցութիւն՝ 4269 քուէ՝ 5,81 տոկոս
- «Միացեալ Հայաստան» կուսակցութիւն՝ 958 քուէ՝ 1,3 տոկոս
- Արցախի պահպանողական կուսակցութիւն՝ 2108 քուէ՝ 2,87 տոկոս
- Լեռնային Ղարաբաղի կոմունիստական կուսակցութիւն՝ 480 քուէ՝ 0,65 տոկոս
- «Նոր Արցախ» կուսակցութիւնների դաշինք՝ 3305 քուէ՝ 4,5 տոկոս:
Անվաւեր նկատուեցան 2418 քուէաթերթիկներ կամ ընդհանուր թիւին 2,3 տոկոսը։