ԼՈՒՐԸ ԿՈՒ ԳԱՐ ԿԻՊՐՈՍԷՆ: ԱՆՈՂՈՔ ՀԻՒԱՆԴՈՒԹԵԱՆ ԴԷՄ ԵՐԿԱՐԱՏԵՒ ՊԱՅՔԱՐԷ ԵՏՔ, ԳԱՂՈՒԹԻ ՍԻՐՈՒԱԾ ԴԷՄՔԵՐԷՆ,ՄՏԱՒՈՐԱԿԱՆ, ԿՐԹԱԿԱՆ ՄՇԱԿ ԼԵՆԱ ՓՕՇՈՂԼԵԱՆ Կ’ՈՐՈՇԷՐ ԿԵԱՆՔԸ ՅԱՆՁՆԵԼ ԵՐԿՆՔԻ ԱՐՔԱՅՈՒԹԵԱՆ:
ԴԺՈՒԱՐ Է ՀԱՇՏՈՒԻԼ ԱՆԺԱՄԱՆԱԿ ԿՈՐՈՒՍՏՆԵՐՈՒ ՀԵՏ, ՆՈՅՆՔԱՆ ԴԺՈՒԱՐ՝ ՄԽԻԹԱՐԱԿԱՆ ԽՕՍՔԵՐՈՎ ԱՄՈՔԵԼ ԱՆՈՐ ԸՆՏԱՆԻՔԻՆ ՈՒ ՀԱՐԱԶԱՏՆԵՐՈՒՆ ՀԱՄԱԿԱԾ ՎԻՇՏԸ:
ԼԵՆԱՅԻՆ ԿԱՐՃ ԿԵԱՆՔԸ ԵՂԱՒ ՀԱՅ ԳԻՐԻ ՈՒ ԴՊՐՈՒԹԵԱՆ ՀԱՄՈԶՈՒՄՈՎ ԾԱՌԱՅՈՂ ՆՈՒԻՐԵԱԼԻ ՄԸ ՎԻՃԱԿՈՒԱԾ ԴԱՌՆՈՒԹԻՒՆՆԵՐՈՒՆ ՀԱՐԱԶԱՏ ՊԱՏԿԵՐԸ: ԲԱՅՑ ԱՅԴ ԲՈԼՈՐԸ ԱՆ ԴԻՄԱՒՈՐԵՑ ԱՆՎՐԴՈՎ, ՄԻՇՏ ԼԱՒԱՏԵՍ՝ ՆԵՑՈՒԿ ԿԵՆԱԼՈՎ ԻՐ ԱՄՈՒՍՆՈՅՆ, ՀԱՅԵՑԻ ԴԱՍՏԻԱՐԱԿՈՒԹԻՒՆ ՋԱՄԲԵԼՈՎ ԻՐ ԵՐԿՈՒ ԶԱՒԱԿՆԵՐՈՒՆ:
ԼԵՆԱՆ ԻՐ ԲՈԼՈՐԱՆՈՒԷՐ ԱՇԽԱՏԱՆՔՈՎ ՍԻՐՈՒԵՑԱՒ ԵՒ ՅԱՐԳՈՒԵՑԱՒ ՇՐՋԱՊԱՏԷՆ: ԱՆՈՐ՝ ՅԱԽՈՒՌՆ, ԵՌԱՆԴՈՒՆ, ԲԱՐԵԽԻՂՃ ՄՕՐ, ԳԹԱՍԷՐ ՈՒՍՈՒՑԻՉԻ, ՍԿԶԲՈՒՆՔԱՅԻՆ ՀԱՅՐԵՆԱՍԷՐԻ ՏԻՊԱՐԸ ԱՆՋՆՋԵԼԻ ՊԻՏԻ ՄՆԱՅ ԶԻՆՔ ՃԱՆՉՑՈՂՆԵՐՈՒՆ ՍՐՏԵՐՈՒՆ ՄԷՋ:
ԱՅՍ ՏԽՈՒՐ ԱՌԻԹՈՎ ՄԵՐ ԽՈՐԱԶԳԱԾ ՑԱՒԱԿՑՈՒԹԻՒՆՆԵՐԸ ԱՆՈՐ ԱՄՈՒՍՆՈՅՆ, ԿԵԱՆՔԻ ԸՆԿԵՐՈՋ՝ ԱՒԵՏԻՍ ՓՕՇՈՂԼԵԱՆԻՆ, ԶԱՒԱԿՆԵՐՈՒՆ՝ ԿՈՐԻՒՆԻՆ ՈՒ ՉԱՐԵՆՑԻՆ ԵՒ ՀԱՄԱՅՆ ՀԱՐԱԶԱՏՆԵՐՈՒՆ:
ՅԱՐԳԱՆՔ ԱՆՈՐ ՅԻՇԱՏԱԿԻՆ:
ԱՀԱՐՈՆ ՇԽՐՏԸՄԵԱՆ