ԵՐԵՒԱՆ, «Էրմենիհապեր»․- 24 Ապրիլ 1915-ին ձերբակալուած եւ մահուան ուղարկուած արեւմտահայ մեծ բանաստեղծ Դանիէլ Վարուժանի ստեղծագործութիւնները թարգմանուեցան թրքերէնի։ Պոլսոյ «Արաս» հայկական հրատարակչութիւնը՝ Օհաննէս Շաշկալի թարգմանութեամբ, հրատարակեց «Հացին Երգը» ժողովածուն։
Անդրադառնալով Վարուժանի ստեղծագործութեան եւ ժողովածուի թարգմանութեան՝ թրքական «Gazete Duvar» թերթը գրած է հետեւեալը․ ««Հացի երգիչը» ապրուստի հիմնական աղբիւր հանդիսացող գիւղական կեանքը շատ մանրամասն կերպով, աշխոյժ եւ կրքոտ լեզուով վերածած է բանաստեղծութեան։ «Հացին Երգը» կարելի է ընկալել իբրեը ձօն աշխատանքին»։