Լոյս տեսաւ 2011 թուականի Մայիս 28-ին Երեւանի մէջ տեղի ունեցած «ԳՈՀԱՐ-ը Հայաստանի աստղերու հետ» համերգի DVD սկաւառակը: Այս մասին կը հաղորդէ «Երկիր մետիա»-ն:
Շնորհանդէսին ներկայ եղած են համերգին մասնակցած բոլոր երգիչները, ցուցադրուած է կարճ ֆիլմ` ի յիշատակ խմբավար Սեպուհ Աբգարեանի, որ երկար տարիներ ղեկավարած է «ԳՈՀԱՐ» սիմֆոնիկ նուագախումբ-երգչախումբը: Ստեղծման օրէն մինչեւ 2014 թուականը համոյթը ղեկավարած է Սեպուհ Աբգարեանը:
«ԳՈՀԱՐ» սիմֆոնիկ նուագախումբ-երգչախումբը 2000 թուականին հիմնադրած է լիբանանահայ Յարութ Խաչատուրեանը եւ անուանակոչած իր մօր` Գոհար Խաչատուրեանի պատուին: Նուագախումբին մէջ ընդգրկուած են 150 երաժիշտներ, 15 պարողներ եւ նոյնքան երգիչներ: Համոյթը համերգներ ունեցած է ոչ միայն Հայաստանի, այլեւ սփիւռքահայ գաղթօճախներու մէջ: