Յուլիս 2-ին Ճափոնի մէջ ՀՀ դեսպանութեան աջակցութեամբ Թոքիոյի «Զինզա-Եամահա» համերգասրահին մէջ տեղի ունեցաւ ճափոնացի դաշնակահար Թակահիրօ Ակիպայի մենահամերգը` նուիրուած Կոմիտաս վարդապետի ծննդեան 145-ամեակին:
Համերգին, որուն ներկայ էին ճափոնացի արուեստասէրներ եւ հայ համայնքի ներկայացուցիչներ, հնչեցին Կոմիտասի ստեղծագործութիւնները` Ռոբերտ Անդրէասեանի եւ Գէորգի Սարաջեանի մշակմամբ:
Թակահիրօ Ակիպան ուսանած է Թոքիոյի արուեստներու համալսարանի դաշնամուրի բաժինը, այնուհետեւ կատարելագործուած Մոսկուայի Չայկովսկիի անուան երաժշտանոցին մէջ: 2013թ. Գերմանիոյ մէջ իրականացուած «Կոմիտաս» միջազգային փառատօնին Թակահիրօ Ակիպան արժանացած է առաջին մրցանակի, այս մասին կը տեղեկացնեն ՀՀ ԱԳՆ մամլոյ ծառայութենէն :