ԵՐԵՒԱՆ, «Արմէնփրէս».- Յետ երկարատեւ հիւանդութեան, կեանքէն հեռացած է Հայաստանի Գրողներու միութեան (ՀԳՄ) անդամ, գրականագէտ Ֆելիքս Մելոյեան:
Ֆելիքս Յակոբի Մելոյեան ծնած է 1940-ին, Երեւան: Գրողներու միութեան անդամ դարձած է 1977-ին: 1962-ին աւարտած է Երեւանի Խաչատուր Աբովեանի անուան հայկական մանկավարժական համալսարանի պատմալեզուագրական բաժինը: 1962-1964 եղած է «Մետալուրգ» թերթի պատասխանատու քարտուղարը: 1964-1968 աշխատած է Եղիշէ Չարենցի անուան գրականութեան եւ արուեստի թանգարանին մէջ՝ իբրեւ կրտսեր գիտաշխատող: 1966-1971 եղած է «Գրական Թերթի» քննադատութեան բաժինի վարիչը, իսկ 1971-1978՝ «Գրական Թեր»չի խմբագիրի տեղակալ: Օգոստոս 1978-էն սկսեալ ստանձնած է «Սովետական Գրականութիւն» ամսագիրի գլխաւոր խմբագիրի տեղակալի պաշտօնը: 1996-2001 ՀԳՄ վարչութեան քարտուղարն էր, ապա՝ ՀԳՄ «Նորք» հանդէսի խմբագիր: