Մարտիրոս Սարեանի “Բանաստեղծը: Արագած լերան լանջերուն” վաղ շրջանի բնանկարը Լոնտոնի մէջ Sotheby’s-ի ռուսական արուեստի աճուրդի ընթացքին վաճառուած Է 623.700 ֆունտ սթերլինով: Այս մասին կը հաղորդէ Armenpress-ը` վկայակոչելով “ՌԻԱ Նովըսթի”-ն: Վալենթին Սերովի վրձինի “Բրասգովեա Մամոնթովայի դիմանկարը” վաճառուած Է 1,2 միլիոն ֆունտ սթեռլինով, որ արժէքի ցուցանիշ Է նկարիչի գործերուն համար:
Արժէքի չափով երկրորդ տեղը գրաւած են Վասիլի Վերեշչակինի եւ Լատօ Կուտիաշվիլիի կտաւները:
Sotheby’s-ի երեկոյեան աճուրդի ընթացքին եւս երեք նկարիչներու գործ վաճառուած է ցուցանիշ համարուող արժէքով. Սերկէյ Սուտէյգինի “Բարեկենդան”-ը (601,3 հազար ֆունտ), Ալեքսանդր Սամոխուալովի “Բանուորուհիներ Ա. Ֆէօտորովան եւ Ա. Եկորովան” (361,3 հազար ֆունտ) եւ Տմիթրի Նալպանտեանի “Երիցուկները” (175.300 ֆունտ):