ԼԻԶՊՈՆ.- Աշխատանքային այցելութեամբ Փորթուգալ գտնուող Հայաստանի նախագահ Արմէն Սարգսեան Երեքշաբթի, 9 Ապրիլին այցելեց «Գալուստ Կիւլպէնկեան» հիմնարկը:
Հիմնարկի նախագահ Իզապէլ Մոտա ներկայացուց հաստատութեան մարդասիրական եւ բարեգործական լայնածաւալ գործունէութիւնը եւ մասնաւորապէս անդրադարձաւ Հայաստանի ու Սփիւռքի մէջ իրականացող ծրագիրներուն:
Նախագահ Արմէն Սարգսեան գնահատեց հիմնարկի հայանպաստ աշխատանքը եւ մեծ ներդրումը հայապահպանման ու հայագիտութեան զարգացման գործին մէջ:
«Կարծում եմ՝ լաւ գաղափար կը լինի, եթէ հիմնադրամը դիտարկի Մատենադարանը որպէս միջազգային նախագիծ: Մատենադարանն իր հարուստ ֆոնդերով ու գիտական-մասնագիտական հարուստ փորձով կարող է դառնալ հին ձեռագրերի պահպանման, վերականգնման, գնահատման, ինչպէս նաեւ մասնագէտների վերապատրաստման տարածաշրջանային ու միջազգային կենտրոն», ըսաւ նախագահ Սարգսեան՝ առաջարկելով դիտարկել այս ծրագիրը ու համատեղ քայլեր ձեռնարկել զայն կեանքի կոչելու նպատակով:
Արմէն Սարգսեան հիմնարկի ղեկավարութեան առաջարկեց ընդլայնել Հայաստանի մէջ իրականացող ծրագիրները՝ աւելցնելով նաեւ հիմնարկի շարունակական աջակցութենէն օգտուող ուսանողներու, գիտնականներու ու հետազօտողներու թիւը: