Կիրակի, 29 Մարտ, Ուխտի Օրն է Անթիլիասի Մայրավանքի Ս. Գրիգոր Լուսաւորիչ Մայր Տաճարին: Ս. եւ Անմահ Պատարագ պիտի մատուցուի առաւօտեան ժամը 10։00-ին (Լիբանանի ժամ). աւարտին, Ն.Ս.Օ.Տ.Տ. Արամ Ա. Վեհափառ Հայրապետը իր Հայրապետական պատգամը պիտի ուղղէ եւ Ս. Լուսաւորչի Աջով օրհնէ մեր ժողովուրդի զաւակները:
Արարողութեան ուղիղ սփռումով կրնաք հետեւիլ դիմատետրի (Facebook) Cilicia TV էջին միջոցաւ:
Վեհափառ Հայրապետին պատգամը դարձեալ կրնաք լսել նոյն օրը յետմիջօրէի ժամը 5:00-ին (Լիբանանի ժամ) եւ երեկոյեան ժամը 9:00-ին (Լիբանանի ժամ):
Լսեցէք Հայրապետին պատգամը եւ ստացէք օրհնութիւնը Ս. Գրիգոր Լուսաւորչի Աջին: