23 Յուլիսէն 8 Օգոստոս, Ճափոնի մայրաքաղաք Թոքիոյի մէջ տեղի պիտի ունենան 32-րդ Ամառնային Ողիմպիական խաղերը, որոնք տարիով մը յետաձգուած էին «Քորոնա» ժահրի համաճարակին պատճառով:
Նախորդ շաբաթավերջին, բոլոր տեսակի մարզաձեւերուն մէջ աւարտեցան Ողիմպիականի զտումի մրցաշարքերը եւ յստակացան այդ խաղերուն մասնակցողները:
Հայաստանի Ազգային ողիմպիական կոմիտէի մամլոյ քարտուղարութիւնը հրապարակեց այդ խաղերուն մասնակցող Հայաստանի պատուիրակութեան անուանացանկը: 8 մարզաձեւերու մէջ Հայաստան պիտի ունենայ 17 մարզիկներ:
Հայաստանի 17 ներկայացուցիչները պիտի ըլլան.
– Յունահռոմէական ըմբշամարտ՝ Արմէն Մելիքեան (60 քլկ․), Կարէն Ասլանեան (67 քլկ․), Կարապետ Չալեան (77 քլկ․), Արթուր Ալեքսանեան (98 քլկ․)
– Ազատ ոճի ըմբշամարտ՝ Արսէն Յարութիւնեան (57 քլկ․), Վազգէն Թեւանեան (65 քլկ․)
– Ծանրաբարձութիւն. Սիմոն Մարտիրոսեան (109 քլկ․), Իզապելլա Եայլեան (59 քլկ․)
– Մարմնամարզ՝ Արթուր Դաւթեան
– Կռփամարտ՝ Կորիւն Սողոմոնեան (52 քլկ․), Յովհաննէս Բաչքով (63 քլկ․), Արման Դարչինեան (75 քլկ․)
– Աթլեթիզմ՝ Լեւոն Աղասեան
– Ժիւտօ՝ Ֆերտինանտ Կարապետեան (73 քլկ․)
– Նշանառութիւն՝ Էլմիրա Կարապետեան
– Լողարշաւ՝ Արթուր Բարսեղեան եւ Վարսենիկ Մանուչարեան։
Ներկայիս Ողիմպիականին մասնակցող մարզիկները իրենց վերջին փորձերը կը կատարեն: