Վարուժան Աբրահամ Ներկիզեան տնտեսագիտութեան աստիճան ունի Լիբանանի Սեն Ժոզէֆ համալսարանէն եւ Լիոն Լումիէր համալսարանէն, Ֆրանսա:
Ան Արաբական Միացեալ Էմիրութեանց Շարժայի դրամատան գլխաւոր տնօրէնն է 1992 թուականէն ի վեր: Ան Լիբանանի Emirates Lebanon Bank SAL դրամատան նախագահն է եւ գլխաւոր տնօրէնը (Bank of Sharjah Group- ի անդամ) 2008 թուականէն ի վեր:
Պարոն Ներկիզեանը նաեւ Լիբանանի կրթական հիմնադրամի SA եւ Տուպայի Lyceé Libanais Francophone Prive հիմնադիր անդամ եւ նախագահն է. անշահ կրթական նախաձեռնութիւն, որ կը բաւարար է ԱՄԷ-ի լիբանանեան և ֆրանքոֆոնի համայնքներու կարիքները 2003 թուականէն ի վեր:
Աւելին, ան «Pearl Initiative» «Մարգարիտ նախաձեռնութեան» խորհուրդի անդամ է (հիմնուած ՄԱԿ -ի գործընկերութեան գրասենեակի հետ համատեղ), Լիբանանի Conseil Stratégique de l’Université Saint Joseph- ի անդամ, եւ Շարժայի Ամերիկեան Համալսարանի Հոգաբարձուներու Խորհուրդի անդամ:
Ան Խորհուրդի անդամ է եւ կը ծառայէ որպէս Հաշուեքննութեան ու Համապատասխանութեան կոմիտէի նախագահ՝ ինչպէս Dana Gas-ի, որ կը զբաղուի բնական կազով, եւ Growthgate Capital LLC-ի անձնական բաժնետոմսերու հիմնադրամին: Ան նաեւ անդամ է (Board Steering and Reserves Committees) «Խորհուրդի Ղեկավար եւ Պահեստային Յանձնաժողովներու»:
Բացի մասնագիտական ոլորտէն, Ներկիզեան Պէյրութ Պուրճ Համուտի Մեսրոպեան վարժարանի մշտական բարերարն է: Ան աշխուժօրէն ներգրաուած է, եւ ականաւոր գործիչ է ԱՄԷ -ի, լիբանանեան, ֆրանսական եւ հայկական համայնքներու: Պարգեւատրուեր է բազմաթիւ մրցանակներով ՝ Ֆրանսայէն, Հայաստանէն, Հայ առաքելական եւ կաթոլիկ եկեղեցիներէն և Վատիկանի Սուրբ Աթոռէն:
Պարգեւատրուեր է Սուրբ Գրիգոր Մեծի Հայրապետական ասպետի շքանշանով: Պարգեւը շնորհուեր է Նորին Սրբութիւն Պենետիքթոս 16-րդի կողմէ 2013 թ. Մարտի 31-ին, յատուկ արարողութեամբ, որ կը վարէր Ներսէս կաթողիկոս-պատրիարք Ներսէս Պետրոս 19-րդ Թարմունին (կաթոլիկ եկեղեցու եկեղեցի), ներկայութեամբ՝ լիբանանի Առաջնորդ (այժմ Յունաստանի) Գեղամ արքեպիսկոպոս Խաչերեանը եւ երջանկայիշատակ արքեպիսկոպոս Կորիւն Պապեան, Քուէյթի եւ Արաբական ծոցի երկիրներու առաջնորդարանի նախկին կաթողիկոսական փոխանորդ:
Մեսրոպեան վարժարանի տնօրէնութիւնը պրն. Վարուժ Ներկիզեանին նուիրեց Մեծն Սուրբ Գրիգորի Ասպետի կարգի շքանշանը ամբողջացնող սուրը:
Խօսելով ԱՄԷ –ի հայ հասարակական կեանքի մէջ ունեցած ներդրման մասին ՝ Ներկիզեան կը շեշտէ, որ «իւրաքանչյիւր համայնքի մէջ կան անձինք, որոնք կը համարուին համայնքի հենասիւներ: Անոնք չեն կրնար անտեսել իրենց պարտականութիւնները, մանաւանդ որ ուրիշներու առջեւ յայտնի են որպէս ներկայացուցիչ եւ համայնքի պատասխանատու: Ես չեմ կրնար անտեսել այս իրողութիւնը՝ միտքիս մէջ ունենալով այս հայեցակարգը, ես սկիզբէն եղեր եմ յանձնաժողովներու անդամ եւ կը շարունակեմ այդ կատարել՝ յանուն ընդհանուր շահին»: Ներկիզեան կ՛ընդգծէ, որ ԱՄԷ –ի համայնքային գործերը սահուն կերպով կը կառավարուին, եւ յանձնաժողովներն ու անդամներն կ՛ընեն կարելին`միասնական մնալու համար:
Թարգմանեց, հաւաքագրեց` Շաքէ Մանկասարեան
Աղբիւրներ՝
https://www.yerepouni-news.com/%D5%B7%D5%B6%D5%B8%D6%80%D5%B0%D5%A1%D6%82%D5%B8%D6%80%D5%A1%D5%A3%D5%AB%D6%80-%D5%BE%D5%A1%D6%80%D5%B8%D6%82%D5%AA%D5%A1%D5%B6-%D5%B6%D5%A1%D6%80%D5%AF%D5%AB%D5%A6%D5%A5%D5%A1%D5%B6-%D5%AF%D5%A8/ ՇՆՈՐՀԱՒՈՐԱԳԻՐ` ՎԱՐՈՒԺԱՆ ՆԱՐԿԻԶԵԱՆ ԿԸ ՊԱՐԳԵՒԱՏՐՈՒԻ Ս. ԳՐԻԳՈՐԻ ՇՔԱՆՇԱՆՈՎ April 14, 2013 Գաղութահայ Կեանք