Ռուսիոյ նախագահ Վլատիմիր Փութին, 14 Մայիսին ԵԱՏՄ գագաթնաժողովի ծիրին մէջ պիտի ունենայ քանի մը հանդիպումներ, որոնց շարքին է նաեւ Հայաստանի վարչապետ Նիկոլ Փաշինեանի հետ հանդիպումը: Այս մասին, ըստ «Թաաս»ի, լրագրողներու յայտնած է Ռուսիոյ նախագահի մամլոյ քարտուղարի պաշտօնակատար Տմիթրի Փեսքով:
«14 Մայիսին տեղի պիտի ունենայ ԵԱՏՄ գագաթնաժողովը. նախագահ Փութին երկկողմ հանդիպումներ պիտի ունենայ Հայաստանի վարչապետ Նիկոլ Փաշինեանի, Ղրղզստանի նախագահ Սոորոնպայ Ժենպեքովի, Պելոռուսի նախագահ Ալեքսանտր Լուքաշենքոյի, Ղազախստանի նախագահ Նուրսուլթան Նազարպաեւի հետ: Բաւական յագեցած օրակարգ է», ըստ «Արմէնփրէս»ի՝ յայտնած է Փեսքով:
8 Մայիսին Հայաստանի վարչապետ ընտրուած Նիկոլ Փաշինեան յայտարարած էր, որ կը փափաքի գագաթնաժողովին ընթացքին հանդիպում ունենանալ Փութինի հետ եւ քննարկել հայ-ռուսական յարաբերութիւնները: