ԵՐԵՒԱՆ, «Արմէնփրէս».- Ռուսիա անկեղծ ու լուրջ խօսակցութիւն կ՛ակնկալէ Սեպտեմբեր 8ին Մոսկուայի մէջ կայանալիք նախագահ Վլատիմիր Փութինի եւ Հայաստանի վարչապետ Նիկոլ Փաշինեանի միջեւ կայանալիք հանդիպումին երկուստէք կուտակուած են բազմաթիւ հարցեր: Այս մասին լրագրողներուն յայտարարած է Ռուսիոյ Դաշնութեան (ՌԴ) նախագահի օգնական Եուրի Ուշաքով՝ ըստ «ՌԻԱ Նովոստի»ի հաղորդման:
«Շատ հարցեր են կուտակուել ինչպէս մեր կողմից, այնպէս էլ հայկական կողմից, ուստի մենք անկեղծ, լուրջ խօսակցութիւն ենք ակնկալում բոլոր այն հարցերի շուրջ, որոնք վերաբերում են ինչպէս երկկողմ, այնպէս էլ ԵԱՏՄի եւ ՀԱՊԿի գծով համագործակցութեանը», ըսած Է Ուշաքով:
Քրեմլինի մամուլի ծառայութիւնը հաղորդած է, որ հանդիպման ընթացքին նախատեսուած է քննարկել հայ-ռուսական դաշնակցային յարաբերութիւններու զարգացման, ինչպէս նաեւ եւրասիական տարածքի համարկման միաւորումներուն համագործակցութեան հարցերը: