Հայութիւնը Քեսապէն Հեռանալու Հրաւիրող Սպառնական Կոչ՝ «որպէսզի դարձեալ չգանգատին թուրքերու գործադրած ցեղասպանութենէն»

0
147

«Մոնտ»ի Հոկտեմբեր 16-ի թիւին մէջ՝ «Թուրքմէնական լեռնաշխարհին մէջ՝ երկինքէն հասնող պառիլները մահ կը սփռեն» խորագիրով Սուրիայէն թղթակցութիւն մը լոյս տեսած է, զոր ստորագրած է թերթին յատուկ թղթակիցը՝ Լէուիս Ռոթ:Այս մասին կը յայտնէ ՙՆոր Յառաջ՚ը։
Ան նախ կը բացատրէ Սուրիա-Թուրքիա սահմանին, աւելի ճշգրիտ ըլլալու համար՝ Ալեքսանտրէթի սանճաքի երկու կողմերուն տիրող բոլորովին իւրայատուկ կացութիւնը: Թրքական կողմի բնակչութիւնը, մեծ մասամբ թրքացուած ալեւի Արաբներ ըլլալով, դէմ են Սուրիոյ ապստամբական սիւննի շարժումին եւ կը զօրակցին նախագահ Պաշարի: Իսկ սահմանին միւս կողմն ալ կ՚ապրին արաբացուած թրքացեղերու անդամներ՝ գլխաւորաբար Թիւրքմէններ, դաւանանքով՝ սիւննիներ, որոնք ստեղծուած առիթը անզուգական կը նկատեն իրենց վրէժը լուծելու համար սուրիական իշխանութիւններէն, որոնց կ՚ուղղեն սիւննիներ հալածելու ամբաստանութիւնը: Թղթակիցը կ՚ըսէ, թէ այս իրավիճակը կրնայ նոյնիսկ ծնունդ տալ Անգարայի եւ Դամասկոսի միջեւ «փոխանորդագիրով պատերազմի մը»:

Ռոթ պատմականը կատարելէ ետք վերջին ժամանակաշրջանին տեղի ունեցած զարգացումներուն՝ կ՚ըսէ, թէ Յունիսին, ապստամբները չորս օրուան մէջ յաջողեցան իրենց հակակշռին տակ առնել այդ լեռնաշխարհին գլխաւոր քաղաքը՝ Ռապիյէն:

Պատկերներ կը ներկայացնէ այդ շրջաններուն մէջ մեծամասնութեամբ ապստամբներուն հակակշռին տակ գտնուող քաղաքներէն, գիւղերէն. կը բացատրէ նաեւ, թէ խորագրին մէջ ալ գործածուած «պառիլ»ը այն անունն է, զոր ապստամբները կու տան ռումբերու այն մեծ կոյտերուն, որոնք սուրիական բանակին կողմէ իրենց վրայ կ՚արձակուին ուղղաթիռներէ, գրաւեալ այդ շրջաններուն մէջ:

LEAVE A REPLY

Please enter your comment!
Please enter your name here