ՀՀ Ազգային Ժողովի Քառօրեան Մեկնարկած է. «Բարգաւաճ Հայաստան»-ը Նիստերուն Կը Մասնակցի

0
132

 Այսօր Ազգային ժողովին մէջ մեկնարկած են Հոկտեմբեր 22-25 քառօրեայ նիստերը: Ի տարբերութիւն նախորդ քառօրեային` այս քառօրեային կը մասնակցի «Բարգաւաճ Հայաստան» խմբակցութիւնը: Նշենք, որ նախորդ քառօրեային ժամանակ, երբ կը   քննարկուէր ԲՀ խմբակցութեան պատգամաւոր Վարդան Օսկանեանը անձեռնմխելիութենէն զրկելու մասին գլխաւոր դատախազի միջնորդութիւնը`  խմբակցութեան անդամները յայտարարեցին, որ իրենք պիտի չմասնակցին ԱԺ նիստերուն, իսկ յետագայ նիստերուն մասնակցելու հարցը պիտի քննարկեն խմբակցութեան նիստին:

Ինչպէս ամէն քառօրեայի սկիզբը, այս քառօրեային եւս «Ժառանգութիւն» խմբակցութեան անդամ Զարուհի Փոսթանճեան ԱԺ նախագահէն հետաքրքրուած է, թէ դեռ որքա՞ն ժամանակ պէտք է հայ-թրքական «խայտառակ արձանագրութիւնները» մնան ԱԺ օրակարգ:

Ի պատասխան` ԱԺ նախագահ Յովիկ Աբրահամեան արձագանգած է,- «Ես Ձեզ հետ համաձայն չեմ, դրանք խայտառակ արձանագրութիւններ չեն: Այդ հարցը որոշելը հանրապետութեան նախագահի խնդիրն է, եւ մենք առաջարկ չենք ստացել նախագահից»:

LEAVE A REPLY

Please enter your comment!
Please enter your name here