ՆԱԹՕ-ի Մօտ ՀՀ Առաքելութեան ներկայացուցիչը Աֆղանիստան Այցելած է

0
143

ՆԱԹՕ-ի Հիւսիսատլանտեան խորհուրդը Հոկտեմբեր 17-19 աշխատանքային այց կատարած է  Աֆղանիստան: Այս մասին կը հաղորդէ ԱԳՆ մամուլի եւ տեղեկատւութեան վարչութիւնը:

Այցին հրաւիրուած էին մասնակցելու Աֆղանիստանի մէջ միջազգային անվտանգութեան աջակցման առաքելութեան մասնակից շարք մը գործընկեր պետութիւններու ներկայացուցիչներ, ինչպէս` ՆԱԹՕ-ի մօտ Հայաստանի Հանրապետութեան մշտական ներկայացուցիչ Արմէն Եդիգարեանը:

Այցին ծիրէն ներս դեսպան Եդիգարեան այցելած է նաեւ Մազարի Շարիֆ, ուր հանդիպած է Աֆղանիստանի մէջ միջազգային անվտանգութեան աջակցման առաքելութեան Հիւսիսային հրամանատարութեան հրամանատար զօրավար-հրամանատար Էրիք Բփեփերի հետ: Վերջինս բարձր գնահատած է հայ զինուորականներուն ծառայութիւնը Աֆղանիստանի մէջ միջազգային անվտանգութեան աջակցման առաքելութեան կազմէն:

Դեսպան Եդիգարեան նաեւ հանդիպած է Գունտուզի եւ Մազարի Շարիֆին մէջ տեղակայուած ՀՀ զօրախումբերու հրամանատարական անձնակազմի ներկայացուցիչներուն հետ, որուն ընթացքին քննարկուած են զօրախումբի ծառայութեան եւ շրջանին մէջ  ռազմաքաղաքական իրավիճակին հետ կապուած բազմաթիւ հարցեր:

LEAVE A REPLY

Please enter your comment!
Please enter your name here