Վազգէն Մանուկեան Առաջարկած է Աթէնքի Մէջ Հայոց Ցեղասպանութեան 100-Ամեակին Նուիրուած Ցուցահանդէս Կազմակերպել

0
140

 Յունաստանի Տնտեսական եւ հասարակական խորհուրդի հրաւէրով Հոկտեմբեր 15-18 Աթէնք մեկնած էր Հայաստանի Հանրային խորհուրդի պատուիրակութիւնը` խորհուրդի նախագահ Վազգէն Մանուկեանի գլխաւորութեամբ: Այս մասին կը տեղեկացնեն Հանրային խորհուրդէն:

Պատուիրակութեան կազմին մէջ եղած են ՀԽ անդամ, ՀԽ քաղաքացիական հասարակութեան կայացման հարցերու յանձնաժողովի նախագահ Յովհաննէս Յովհաննիսեան եւ ՀԽ գրասենեակի պատասխանատու Յակոբ Բարխուդարեան:

Յունաստանի Տնտեսական եւ հասարակական խորհուրդի նախագահ Խրիսթոս Բոլիզողոբուլոսի հետ հանդիպման ընթացքին քննարկուած են երկու երկիրներու տարբեր բնագաւառներուն մէջ համագործակցութեան ընդլայնման, հանրային-հասարակական ոլորտի կառոյցներու միջեւ կապերու հաստատման, հանրային խորհուրդներու միջեւ փորձի փոխանակման եւ այլ հարցեր: Կարեւոր համարուած է յատկապէս գիտական եւ կրթական ոլորտին մէջ համագործակցութեան խորացման անհրաժեշտութիւնը: Քննարկուած է երկու երկիրներու խորհուրդներուն մէջ ընդգրկուած հասարակական կազմակերպութիւններու միջեւ ուղիղ կապ հաստատելու եւ համատեղ դրամաշնորհային ծրագրեր իրականացնելու հարցը: ՀԽ նախագահ Վազգէն Մանուկեանի կողմէ առաջարկուած է Աթէնքի մէջ կազմակերպել ցուցահանդէս` նուիրուած Հայոց Ցեղասպանութեան 100-ամեակին: Առաջարկը ստացած է դրական արձագանգ:

ՀԽ պատուիրակութիւնը հանդիպած է նաեւ Յունաստանի արտաքին գործերու նախարարի տեղակալ Գոսդաս Ցիարասի հետ: Վերջինս ողջունած է Հայաստանի եւ Յունաստանի միջեւ հասարակական կառոյցներու մակարդակով կապեր հաստատելու նախաձեռնութիւնը, կարեւոր համարած նախաձեռնութեան անհրաժեշտութիւնը, միաժամանակ Յունաստանի արտաքին գործոց՚ նախարարութեան կողմէ պատրաստակամութիւն յայտնած աջակցելու նախաձեռնութեան իրականացման: Հանդիպման ընթացքին որոշուած է Եւրոպական միութեան Հայաստանի Հանրապետութեան մերձեցման քաղաքականութեան խորացման վերաբերեալ յուշագիրի նախագիծ մշակել:

ՀՀ դեսպանութեան մէջ ՀԽ նախագահ Վազգէն Մանուկեան հանդիպած է յունահայ համայնքային կառոյցներու ներկայացուցիչներու հետ: Մանուկեան ներկայացուցած է ՀՀ հանրային խորհուրդի անցած ուղին ու յառաջիկայ գործունէութեան հիմնական ուղղութիւնները: Քննարկուած են տարբեր ոլորտներու վերաբերող շարք մը հարցեր: Յիշեցնենք, որ Մարտին Հայաստան այցելած էր ՀՀ Հանրային խորհուրդի եւ Յունաստանի Տնտեսական ու հասարակական խորհուրդի միջեւ ստորագրուած էր համագործակցութեան համաձայնագիր, որուն ծիրէն ներս իրականացած է ՀԽ պատուիրակութեան այցը:

LEAVE A REPLY

Please enter your comment!
Please enter your name here