Ատրպէյճանի Մէջ Տպաւորութիւն Ստեղծուած է, որ Միջպետական Յարաբերութիւններուն Մէջ Ալ Ամէն Ինչ Կը Գնուի եւ Կը Վաճառուի. Է. Նալպանտեան

0
142

Մեկնարկած է Հայաստանի արտաքին գործոց նախարարի այցը լատինական ամերիկեան երկիրներ:

 Մեքսիքոյի մէջէտուարտ Նալպանտեան Հայաստանի արտաքին քաղաքականութեան մասին դասախօսութեամբ հանդէս եկած է Մեքսիքայի արտաքին յարաբերութիւններու քարտուղարութեան Դիւանագիտական ուսումնասիրութիւններու Մատիաս Ռոմերոյի անուան ուսումնարանին մէջ, ուր ներկայ եղած են Մեքսիքոյի մէջ հաւատարմագրուած դեսպաններ, արտաքին քաղաքական գերատեսչութեան բարձրաստիճան ներկայացուցիչներ, փորձագէտներ, լրագրողներ, դասախօսներ եւ ուսանողներ: Ելոյթէն ետք նախարարը պատասխանած է ներկաներու բազմաթիւ հարցերուն: Այ ս մասին կը տեղեկացնէ ՀՀ ԱԳՆ մամուլի ծառայութիւնը:

 Նախարար Նալպանտեան նշած է,- “Կաշառակերութեան հարուստ փորձ ունենալով երկրին մէջ` Պաքուն կը փորձէ զայն տեղափոխել միջպետական յարաբերութիւններու հարթութիւն, օգտագործելով զայն իբրեւ գործիք` սեփական թիւրընկալումները ուրիշներուն վրայ բարդելու նպատակով: Ցաւօք, որոշ երկիրներու մէջ քաղաքական որոշ գործիչներ կիյնան Ատրպէյճանի թակարդը, տկարութիւն կը ցուցաբերեն, չեն կրնար դիմանալ Պաքուէն եկող կաշառակերութեան գայթակղութիւնններուն: Ներքին փորձէն մեկնելով, Ատրպէյճանի մէջ տպաւորութիւն ստեղծուած է, որ միջպետական յարաբերութիւններու մէջ ալ ամէն ինչ կարելի է գնել եւ վաճառել”:

 Արձագանգելով ներկաներու հնչեցուցած դժգոհութեան` Մեքսիքոյի մէջ Ատրպէյճանի նախկին նախագահի եւ այսպէս կոչուած Խօջալուի յուշարձաններու տեղադրման առնչութեամբ, Հայաստանի արտաքին քաղաքական գերատեսչութեան ղեկավարը ընդգծած է,- “ԹէՄեքսիքոյի, թէաշխարհի տարածքին արձագանգները միանշանակ են, անոր անդրադարձած են մարդու իրաւունքներով զբաղող փորձագէտներ, յառաջատար լրատուամիջոցներ. CNN, BBC, Associated Press, Reuters, Agence France Press, Time, New York Times, Los Angeles Times, The Washington Post: Այս ցանկը կարելի է շատ երկար շարունակել, կրնամ ըսել, որ համակարծիք եմ արտայայտուած տեսակէտներուն:

Ատրպէյճանի նախկին ղեկավարի յուշարձանի ցուցանակը կաւետէ, որ ԿԳԲի նախկին պետը միջազգային խաղաղութեան նուիրուածութեան փայլուն օրինակ է, որ առաջնորդած է Ատրպէյճանը դէպի ժողովրդավարութիւն: Պատկերը ճշմարտութեան համապատասխանեցնելու նպատակով` ճիշդ պիտի ըլլար աւելցնել, որ մարդու իրաւունքներու տարբեր կառոյցներու կողմէ այդ երկիրը դասուած է աշխարհի ամենակաշառակեր եւ հակաժողովրդավարական երկիրներու շարքին, որ այդ երկիրը դարձած է ուժի կիրառման սպառնալիքներու եւ պատերազմ հրահրելու աշխարհի ախոյեան”:

Հայաստանի ԱԳ նախարարը նաեւ մամլոյ ասուլիսով հանդէս եկած է Մեքսիքոյի յառաջատար լրատուամիջոցներու առջեւ:

LEAVE A REPLY

Please enter your comment!
Please enter your name here