Երեւանը Մտած է Բնաջնջուող Քաղաքներու Ցուցակին Մէջ, Բայց Ամէն Ինչ Այդքան Ալ Վատ Չէ

0
166

Լոյս տեսած է քաղաքներու դրութեան մասին (State of the World’s Cities),  150 էջերէ բաղկացած, ՄԱԿ-ի նոր  հաշուետուութիւնը, նուիրուած անոր, թէ  հիմնարկները, քաղաքային ծրագրաւորումը եւ շրջակայ միջավայրը որքան կը տարբերին յանգեցնող քաղաքներու բարգաւաճումէն, որոնք, զեկոյցի հեղինակներուն կարծիքով, մարդկային քաղաքակրթութեան զարգացման առանցքն են:

ՄԱԿ զեկոյցին մէջ ներկայացուած շուրջ 600 խոշոր քաղաքներու շարքին 28 քաղաք կը գտնուի բնաջնջման եզրին, անոնց բնակչութիւնը պիտի կրճատուի 1990-2025-ի շրջանին:

 Ռուսաստանը կը գերիշխէ ցուցակին մէջ 11 քաղաքով: Ցուցակին մէջ մտած են նաեւ եւրոպական քաղաքներ` Հռոմը, Միլանը, Թուրինը, Փրակը, Պուխարեստը:

Հաշուետուութեան համաձայն, Հայաստանի մայրաքաղաք Երեւանը կը գտնուի 24-րդ հորիզոնականին: Հաշուետւութեան հեղինակները կը նշեն, որ 1990-ին Երեւանի բնակչութիւնը կազմած է 1,175,000 մարդ, 2010-ին` 1,112,000, իսկ մինչեւ 2025 երեւանցիներուն թիւը պիտի կազմէ 1,143,000: Այսպիսով, Երեւանի բնակչութեան աճը 1990-2025 պիտի կազմէ 2,72 տոկոս:

 Կովկասեան այլ քաղաքներէն 15-րդ տեղը Թիֆլիսն է, ուր բնակչութիւնը 1990-ին կազմած է 1,224,000, 2010-ին` 1,120,000, իսկ 2025-ին` 1,138,000:

Բնաջնջուող քաղաքներու ցուցակին մէջ առաջին երեք տեղերը կը զբաղցնեն Տնեփրոփեթրովսքը, Պուտափեշտը, Տոնեցկը: Ցուցակը կեզրափակէ Հաւանան:

Զեկոյցին հեղինակները իրենց հետազօտութիւնները հիմնած են քաղաքային ծրագրաւորման եւ քաղաքներու զարգացման ծրագիրներու վրայ: Բարգաւաճման նախագիծը մշակուած է ՄԱԿ մասնագէտներու կողմէ , հիմնական հինգ գործօններու վրայ` արդիւնաւէտութեան, կեանքի որակի, ենթակառուցուածքներու, շրջակայ միջավայրի եւ հասարակական արդարութեան:

 

 

LEAVE A REPLY

Please enter your comment!
Please enter your name here