Իրինա Կայուգը Երեւանի Մէջ Ներկայացուցած է Իր Հեղինակած Ուքրանիոյ Մէջ Հայ Մշակոյթի Պատկերազարդ Հանրագիտարանը

0
168

 Ռուսհայկական (Սլաւոնական) համալսարանին մէջ այսօր տեղի ունեցած է  ուքրանացի գիտնական, փիլիսոփայ եւ հայագէտ Իրինա ԿայուգիՈւքրանիոյ մէջ հայ մշակոյթի պատկերազարդ հանրագիտարան. Թանգարաններու եւ արգելոցներու մէջ հայ մշակոյթի յուշարձաններու ցանկովգիրքին շնորհանդէսը: Այս մասին կը յայտնէ համալսարանի մամլոյ ծառայութիւնը:

 Գիրքին հեղինակը անձամբ ներկայացուցած է հանրագիտարանը, որուն վրայ աշխատած է շուրջ վեց տարի:

 Հանրագիտարանը կը պատմէ Ուքրանիոյ տարբեր շրջաններու հայերու կեանքին մասին, կը նկարագրէ հայ մշակոյթի զարգացման պատմութիւնը, հայերու գործունէութեան հիմնական ոլորտները` առեւտուր, զինագործութիւն եւ ոսկերչութիւն, դիւանագիտութիւն, գորգագործութիւն, ներկայացուցած է նաեւ հայուքրանական թատերական եւ գրական կապերը:

 Գիրքը արդէն թարգմանուած է անգլերէն, բնօրինակը ուքրաներէն է: Հաւաքուած տեղեկատւութիւնը աննախադէպ է, նման ծաւալի հետազօտութիւն մինչ այդ երբեք չէ եղած:

 Հանրագիտարանը արդէն իսկ ճանչցուած է Ուքրանիոյ մէջ:

LEAVE A REPLY

Please enter your comment!
Please enter your name here