Հայերը` Թրքական Մամուլի Մէջ Ատելութեան Առաջնային Թիրախ

0
166

 2012-ի ՄայիսՕգոստոս ամիսներուն թրքական մամուլի մէջ ատելութիւն պարունակող լուրերու եւ սիւնակներու թիրախին ամենաշատ հանդիպող խումբերը հայերը, քրիստոնեաները, հրեաները եւ յոյներն են: Այս մասին կը տեղեկացնէԱկօս”-ը:
 “
Հրանդ Տինքհիմնադրամը հրապարակած էՄամուլի մէջ ատելութիւն տարածող նիւթերու ուսումնասիրութեան զեկոյց”-ը, որուն մէջ ամփոփուած են 2012-ի երկրորդ քառամսեակին տուեալները:

Հիմնադրամը այս ծրագիրը կիրականացնէ 2009-էն եւ նպատակ ունի պայքարելու լրատուամիջոցներու միջոցով ցեղական եւ կրօնական խումբերուն ուղղուած ատելութիւն սերմանելուն դէմ:

 Թուրքիոյ մէջ ատելութիւն պարունակող նիւթերուն թիւը` ըստ զեկոյցին` աճած է նախորդ զեկոյցին համեմատ:

 Հայերը լրատուամիջոցներու ատելութեան թիրախին յայտնուած են ամենաշատը, քանի որ Թուրքիոյ մէջ ահաբեկչական համարուող Քիւրտիստանի Աշխատաւորական Կուսակցութիւնը (PKK) կը կապեն հայերու հետ:

Թրքական մամուլին մէջ պնդումներ կան, թէիսլամ քիւրտէն վնաս չկայ, PKK –ն հայկական շարժում է”:

 Կը նշուի նաեւ, որ նոյն պատճառաբանութեամբ աւելցած են նաեւ քրիստոնեաներու եւ հրեաներու դէմ ատելութիւն պարունակող նիւթերը: Աճած է նաեւ քիւրտերու հանդէպ ատելութիւն պարունակող հրապարակումներուն թիւը

 

LEAVE A REPLY

Please enter your comment!
Please enter your name here